|
واجـر قلبـي جـر دلـو المحاحيـل =ورّد ببيـر الـحـب حـتـى تمـلـى
مليت من كتـب الـورق والمراسيـل=وصويحبـي كنـه عليـنـا تغـلـى
بيجـي لـك ايـام وليالـي مقابـيـل=واللـي تغلـى يمكـن انـه يخـلـي
هجرتني مـن بعـد كثـر المواصيـل=ويـش الـذي حـدك لقلبـي تبـلـى
اريـد تفسيـر القضـيـة وتحلـيـل=والامنيـات انـك بقلـبـي تسـلـى
نسيت يـوم اساهـر النجـم والليـل=لامن سمعت انـك مريـض(ن) معلـى
نسيت يـوم اجـر عـذب المواويـل=من خـوف لا تزهـق ويمكـن تملـى
نسيت يوم ازرع غصون(ن) مضاليـل =أحجب عيون الناس وفيّ(ن) وضلـى
واليوم وش ينفـع كبـود(ن) معاليـل=هجرتها وحطيـت فـي القلـب غلـى
لكنني باصبر علـى الحمـل واشيـل=لانك حكمت القلـب حكـم(ن) تولـى
إن جيت انا لك في السماء نجمك سهيل=وان رحت باسلك مـن القلـب سلـى
|
