عساكم من العائدين الفايزين برضوان رب العالميلن واسف على ازعاجكم بكثرة المشاركات ولكن المناسبات كثيرة والواجب يفرض علينا مواكبة الحدث والمعذره على التقصير ************ يالله يـارب نعـبـده ونرجـيـه=يا منشي غيوم السحـاب الركامـي ياعالم بظاهـر كلامـي وخافيـه=ويامن بعـزك يلتجـون الانامـي نطلبك يامن كـل مخلـوق يدعيـه=يالواحد اللـي مقلتـه مـا تنامـي تحفظ ملكنا اللـي علينـا حسانيـه=عمّة جميع الناس شـرق وشامـي عبـدالله اللـي شامخـات مباديـه=ليث بروحـه دون شعبـه يحامـي فريد ما مثلـه ولا احـد يشاذيـه=شيخ الزاعامه والفخـر والسلامـي ياصورنا اللـي كلنـا نتقـي فيـه=ويا نورنا جالي عتيـم الظلامـي مدته للمعـدم مـن الفقـر تغنيـه=ولطمته تعمي كل نـذل وحرامـي على جميع الشعب بيـض اياديـه=ومن يلتجي في هيبته ما يضامـي لامن دعاه العلم يشهـر عزاويـه=ويزمي كما يزمي الحرار القطامي يبعـد مشاويحـه ويبعـد مراميـه=ويفرك عرام اللي بخشمه عرامـي عدو من خـاب وتـردة هقاويـه=يقصمه قصم السيف صلب العظامي بالذل والخسـران فـازوا معاديـه=وتلبسوا بالغبـن يـوم الخصامـي وبالعز والامجـاد فـازوا محبيـه=ويحضون بالتقديـر والاحترامـي الشعب فـي ظلـه تحقـق امانيـه=وفي حبهم له مـا عليهـم ملامـي هذا الزعيم اللـي تجمّـل مساعيـه=كريم ويقـود الرجـال الكرامـي نهيم فـي حبـه ونفخـر بطاريـه=ومن حبنا له نلبس اغلـى وسامـي باسمى عبـارات التهانـي نهنيـه=بعيد الوطن وبعيد شهر الصيامـي وشفى ولي العهـد ربـي يشافيـه=ابو خالد اللي فالمواقف عصامـي الله من صدوف المقاديـر يحميـه=ويبقيه منصى للرجـال الحشامـي بالطيب والمعروف ما احد يجاريه=غيث لمزنه تستغيـث الضوامـي وليث بحومات الوعى من يباريـه=الفـارس النـادر رفيـع المقامـي وسلامة محمـد عسـى الله يقويـه=على هل الارهاب واهل الاثامـي يادرعنا اللـي كامـلات معانيـه=وحامي حمانا في نهـار الزحامـي بالنصر والتمكيـن دامـت لياليـه=سيف الله المسلول علـى اللئامـي وحنا معه في كل موقـف نوفيـه=ودون الوطن ما نقبـل الانهزامـي بكل ما نملـك بـلا شـك نفديـه=قول وفعل ما هو مجـرد كلامـي ويوم الوطن يـوم نحبـه ونغليـه=هو ثالث الاعياد في كـل عامـي وصلاة ربي عد مـا هـل ناويـه=على النبي في المبتـدى والختامـي

أدوات القصيدة

النسبة 0/5 (0 اجمالي )

• 1
• 2
• 3
• 4
• 5