هذه القصايد بيني وبين الشاعر عائض بن محمد الشهراني وهو البادي بعد أن تقاعد وعاد الى ديرته بالجنوب .. كتب قصيدة .. ووجههاإلى جيرانه و زملائه في مدينة (حفر الباطن) .. وانا من ظمنهم ** يقول عائض محمد الشهراني : ياراكب ٍ فكس آر يسبق هبوب النـود = من منـوة السـواق يلعـب تليعابـي يسرح صلاة الصبح والدالهين رقـود = يسوقة نشيط وحملتة ظرف وكتابـي ينصا هل الحفر المسمين وأهل الجـود = أهل الوفاء والطيب ياخيرة أصحابـي رجال ٍ معزتهم لها في ضميـري زود = تزايد معزتهـم ولـو طـول غيابـي سلم عليهـم يانديبـي وهـات اردود = سلام الوفا لأهل الوفا مالـه حسابـي سلام ٍ نعده ما علـى منهجـه منقـود = سلام ٍ نعده مـن جوانيـب هرجابـي سلام ٍ عدد ما غنت الورق فوق العود = من هاجس ٍ بأقصى الضماير تخلوابي على رفقة اللي شوفهم غاية المقصود = عسى الله يقطع موتر ٍ عنهـم أقفابـي فياليت يا ماضي زماني علـي تعـود = لكن أدبح المحـال والوقـت غلابـي سقا الله زمان ٍ يوم أنا بينهم موجـود = ما ضاق صدري بين عطران الأشنابي واليوم في دنيا يشيّب بهـا المولـود = هموم ٍ تعديبـي علـى كـل مرقابـي أصارع اهمومي وأجحد مصيبتي جحود = وأنا أشوف وقتي كنه ينـوخ ركابـي وصلاة ربي عد بـرقٍ قفـاه رعـود = على الرسول وكل هرج ٍ لـه أسبابـي ** وهذا ردودي على الشهراني بدايـة كلامـي أرجـي الواحـد المعبـود = جزيل العطاء اللي من ترجاه مـا خابـي غفور ٍ رحيم ٍ ينجـد السايـل المضهـود = شديد العقاب اللي هـزم جمـع الأحزابـي يغفر الذنوب وصـادق ٍ وعـده الموعـود = جزاء المؤمن الجنة إذا أخلص له وتابـي شديد على الكفار وأهـل الشـرك ويهـود = جزاهـم جهنـم والحجـر فوقهـم ذابـي وهذا حكـم الله جمعهـم وجـوه حشـود = بيـوم ٍ يلـم النـاس ماعنـة مجنـابـي عسى الله يسقينا مـن الكوثـر المـورود = بشفاعـة نبيـن يشفـع لكـل الأحبابـي وثاني كلامـي مرحبـا عـد نبـت ورود = وعدد ما يمر السيـل مـع كـل محنابـي وعدد ما شرق شمس ٍ على نايفات حيـود = وعدد ما طلع نور القمر وأعتلى وغابـي براعي الرسالة والرسالـة بهـا معـدود = كـلام ٍ يبيـن راعـي العـرف وآدابـي رسالة خفيفة جابهـا حامـد بـن حمـود = تجمـل علـى كتابهـا واللـذي جـابـي رسالة عزيز ٍ جات وأبهـا بـذل مجهـود = لمدح الخوي والجـار مـا هـو بعيابـي رسالة يشرفنا بهـا اللـي يقـول العـود = يعد الكـلام الصـدق مـا هـو بكذابـي وهذي عوايد كـل طيـب وراعـي فـود = وصفنا بفعل الطيـب مـا هـو بمغتابـي خوي الخوي لاصـار للنـار قـدح زنـود = تجمـل مواقيـفـه ولاهــو بهيـابـي فيا راكب اللي لامشـى يسبـق العبـرود = جديد وسريع ومنظـره يعجـب أعجابـي يسمونه اللكسـزز ولا ينشـرى بقصـود = تفوق علـى الفكسـار منظـر ومركابـي صباح ٍ سرح من قاعدة خالد ابن سعـود = وعصر بصمخ يمشي على السهل وهضابي دياراً بهـا ترتـع جميـع الغنـم والـذود = وتلقى النخيل الخضـر فيهـا والأعنابـي ليا جيت عايض شايب ٍ بالكـرم مشهـود = بتلقـى تراحيـب ٍ بهـا يفتـح البـابـي تراحيـب رجـل ٍ لاغشيـم ٍ ولا معقـود = وراع الكرم يضحك مـن القلـب والنابـي صبور ٍ سموح ولا نقل في الضمير حقـود = كثيـر التواضـع للمعـارف والأقرابـي يحبونـة أصحابـة ودايـم معـاه قعـود = على جال ضـوءٍ شبهـا العـود شبابـي فبلغ سلام أهل الحفـر واضـح ٍ بركـود = سلام ٍ سليـم ٍ مـا بـه جـدال وعتابـي وقلـه ترانـا بخيـر والشكـر للمحمـود = وياكم سألنا عنـك يـا عـرب الأنسابـي وكل ٍ على حالـة وحبـل الأمـل ممـدود = ولا لك عن المقسـوم والحـظ غصابـي قريت الرسالة كلها يـا عريـب جـدود = وهذا الردود وكـل سيـف ٍ لـه نصابـي وأصلي وأسلم يـا إلهـي بـدون حـدود = على المصطفى صليت يـا رب الأربابـي ## وعندماوصل ردودي إلى الشاعر عائض بن محمد الشهراني.قام و رد عليه بهذه القصيده. يقول فيها : يا الله يا الله يا اللي تسمع الجابـة = يا خالق الناس وأنت اللي تحاسبها تدلنـي للكـلام الزيـن و أبـدابـه = يا خلق الشمس ومقسـم هبايبهـا يا مرحبا با الكتاب وعاش من جابه = أعداد ما بيـن مشرقهـا ومغربهـا وأعداد نبت الجنوب ومن تمشى به = وأعداد من زاور الكعبه وطاف ابها حيّيِّت وأبقيِّت يامن جاني اخطابـه = تحيـت ٍ والمحبـة فـي جوانبهـا فيا راكب اللي يوسع صـدر ركابـه = يبعـدك عـن دار وديـار ٍ يقربهـا جمس ٍ جديدا ً بعد ما فـك دولابـه = وأهل المعارض ما سوّم في مكاتبها الصبح ممشاه من هرجاب وأشعابه = والعصر وسط المدينة مـا يجنبهـا ملفاه جمعان شيخ ٍ يكرم أصحابـه = تلقـى دلالـه لضيفانـه مزهبهـا مع حايل ٍ جابهـا للسـوق جلابـه = يثنى التراحيـب ولضيفـه يقربهـا وأهل المدينة رجال حقوق وذيابـه = أتكرم الضيـف واتدسـم شواربهـا سلم عليهم عدد ما هل وأنشـا بـه = جيراني اللـي عزيـزات ٍ مذاهبهـا كسابة المرجلـة مـا هـم بهيابـه = ولا حسبوا للخساير مـن مكاسبهـا هذا كـلام ٍ صحيـح ٍ والله أدرابـه = تستاهل المدح حاضرهـا وغايبهـا وحب النشاما بقلبي واتسلـى بـه = وأموت وأحيا وأنا مرخصت واجبها من راح صوب الجنوب يطول غيابه = من زينة الأرض يمشي في مناكبها من بعد جاها المطر يلقى بها غابـه = يستانس الشخص يوم أنه يسيرابها يازين نسمة هواه وريحـة ترابـه = وعسى رشاش المطر يسقي شعايبها وصلاة ربي على من علم أصحابـة = هـدي الرسـلات والآيـات رتبهـا ** وعندما جتني القصيدة الثانية : رديت عليه بهذه القصيده يا الله يـا واحـد ٍ مـا خـاب طلابـه = ياغافـر الذنـب روحـي لا تعذبـهـا تهدي لسانـي لقـول الحـق وآدابـه = وألهمني الكلمـة العليـا وأفـوز إبهـا آخـذ كتـاب الله المرفـوع وأقـرابـه = حتى أحفظ آياتـه العظمـى وأغيبهـا وأقول قـولا ً يجمـل وآ تقصـى بـه = وانقى بيـوت الحِكـم وأختـار طيبهـا فيامرحبا بـا الكتـاب وعـاش كتّابـه = أعداد من سار برض الله وعاش إبهـا وأعداد من زار بيـت الله وصلـى بـه = وأعداد من جاء عرفه يوم الوقوف إبها مشكور يا الصاحب اللي جاني اكتابـه = من نيتن ٍ صادقه والصـدق منصبهـا فيا راكب اللي شعـار العـز بأجنابـه = الطاير اللي فضاء الأجواء يمـر إبهـا دعاء السفر من قبل الأقـلاع يدعابـه = ساعه من الحفر يهبط في مطـار أبهـا أذهب لهرجاب تلقـى العـود بهضابـه = في ديرة ٍ تـو سالـة مـن سحايبهـا لا جيت عايض تشوف الضوء شبابـه = ودلال صفر ٍ بها هيـل ٍ يفـوح إبهـا في مجلس دون ضيفه مـا قفـل بابـه = وتلقى تراحيـب رجـال ٍ يبيـن إبهـا لاجاه راعـي الكرامـه يكـرم أشنابـه = ويقـدر النـاس جاهلهـا وشايبـهـا والعود الأزرق على الضيفـان يمشابـه = مع حايل ٍ واجـب ٍ للضيـف جايبهـا سلـم و علـم وعلمـي لا تناسـابـه = وأعط الرسالة ل(عايض ) لا تغر إبهـا من قدم الطيب لأهـل الطيـب يجزابـه = ومن بر بـا الطيبـه لازم يبـر إبهـا والطيب أفرح بعلمه وأحسـب حسابـه = وأمـد يمنـاي ويمينـه يمـد إبـهـا و(عايض ) من اللي للفعل الطيب كسابه = وشهران ربعه سيوفا ً فـي مناصبهـا وكل القبايل تعـرف الحـق وإنصابـه = وأهـل الجمايـل رفيعـات ٍ مراتبـهـا (عايض )تقول الجنوب تحب مرقابـه = ولاني بلايمك في ديـرة ربيـت إبهـا وكلٍ بدراه مولـع مـا نسـاء أقرابـه = والروح ما يندرا ويـن المصيـر إبهـا لو يعجب الوقـت لـه دورات غصابـه = غصب ٍ على الناس خاطيها وصايبهـا يمضـي بنـا الوقـت والأيـام غلابـه = كثيـر الأيـام مـا تصفـي مشاربهـا وصلوا على من أصطفاه الله وأسرا بـه = سبع السموات مـع جبريـل دار إبهـا أعداد مـن زار بيـت الله ولبـى بـه = وأعداد من عاش برض الله ومات إبهـا نبينـا اللـي نحبـه وانتقــداء بــه = شفاعــتـه عنـد ربـــه مـا يخيـبـــــــهـا

أدوات القصيدة

النسبة 0/5 (0 اجمالي )

• 1
• 2
• 3
• 4
• 5