يالله يـاربٍ لـك النـاس راجيـن = ارجيك ياراعي الفرج باب الأفـراج ياخالقـاً دنيـا بهـا العسروالليـن = مولج ظلامٍ بعـده الصبـح ينبـاج فيهاخلقت ادم وخلقه مـن الطيـن = وبليس من نـارٍ تواهـج توهـاج شكواي لك يامكون الكـون تكويـن = مجري السفينه فوق صلفات الأمواج تجلى هموم اللي قضى الدين بالدين = من شان لا ياقف على موقف احراج ياخذ ويعطـي والمطاليـق وافيـن = لأن الوفاءلأهل الوفاءفلت احجـاج يبغى الجمايل ميرصارالزمن شيـن = والجيب خالي والدهرمالـه اعـلاج اٍذا ذكرت الدين والنـاس ممسيـن = افزمن نومـي واقـوم ادلـج ادلاج واٍذا ذكرت الدين والراتـب الفيـن = اشوف سمح الدرب ضيق ومنعـاج واٍذا ذكرت الديـن مانمـت العيـن = لأنه حقوق ولاعن الحـق مـدراج واٍ ذا ذكرت اصحابي اللي عزيزيـن = قمت اتذكر مـن غنيـن ومحتـاج ودي ليا ضاقـت علـي المياديـن = القى رهيـن بالشبـه عـد هـداج يقضي لزومي لا وصلته في الحين = واقضي لزومه لابغى شي وحتـاج لكن ابرجي عونتن منـك يامعيـن = تحط لي عن موقف الضيق مخراج وصلا ة ربي عـد وبـل الوداديـن = واعداد من طافوا على البيت حجاج على نبـيٍ للبشـر وضـح الديـن = زاح الظلام وللبشر ولـع اسـراج

أدوات القصيدة

النسبة 0/5 (0 اجمالي )

• 1
• 2
• 3
• 4
• 5