يالله يامحصي الليالي ويامحصـــي الشهور = عالم بايامنا الماضــية والباقيات ثبيت لساني على الصــــــــح في كل الامور = واهدنا للخير يالله وجنبنا الغوات نحمد الله في تقدم وفي امــــــــــان وسرور = مثلنا ما مثلنا لا ولا صدق وثبات وقتنا غالي ونقطف مـــــــنه غالي الزهور = في ذرا آل سعود نلطم عيون مبغضات في المكاتب في العمــاير وحتى في الخدور= شعب واحد قلب واحد امانات وثقات دام ابو متــــعب على دارنا والشعب صور= فو الله ان ما مثلنا والامور ميسرات فيا مــــلكنا ياملكنا ترانا لك صــــــــــــقور = والله ان الارواح فيما تريد مسبلات والله لو تضرب بنا وســــــط غبات البحور= ما نفكر في ظروف الحياة وفي الممات ياولي العهد مـــــا تطلبه مـــــــــــنا حظور = والله انا بعدكم ما نفكر بالحيات ياملوك الخير ياظلنا عـــــــــــــن كل جور= ياذرانا عن سموم اللهيب الحاميات ياعيـــال اللي حمى الشعب من كل الشرور= وضمها من بعد ما كانت افوات وشتات ياعيال اللي يعشي الحــــــــــنادي والنسور = يوم ضرب بالقنا والمهار المسرجات خاضها بالســـيف والشلف والقلب الجسور= بالسيوف الحدب طوع رقاب العاصيات كان لا في الارض به معـــــجزات للفكور= فو الله ان عبدالعزيز انه من المعجزات يشهد الحيين له ويشهد اللي في القـــــــبور= والله يابو تركي ماجن بمثله الامهات بعدها هاضت هجوسي وجا للــــشعر دور= وجن بنات الفكر بافكارهن مسترسلات ياســــــــــــلامي عد نو هما ليـــله غزور=وعد ما ينبت على الارض من زين النبات ياهل حفل مايـــــــــــعبر عنه كل الشعور= بالمزاين والتصراف واشيا مميزات ياسبيع البيض تنــــشر لكم من كل دور= تنشر من البحر الاحمر الى شرق الحصات ياشيوخ سبـــــــيع ياهل الوفا في كل شور= هل مواقيف على كل ناس كايدات سجل التاريخ لســـبيع من ماضي العصور= طيب وفعول ومواقيف واشيا ثابتات عادت لســـــــــبيع في الضيق فجار نحور= يوم رداد العزاوي وضرب الشابيات كم خصيم قد حشرتوه في الماضي حشور=يوم رداد النقا والفعول الماضيات وارثين الطـــــــــيب والطيبورث ومخبور= يوم ضرب بالقنا والسيوف المرهفات هم هل الغلبا يلا صاح صـــــــياح السبور= ماتزاع نشورهم في المفالي وامنات ياسبيع انتوا هل البل مومنـــــــــت النشور= هل تواريخ تسجل تناقلتها الروات ياهــــــل البل ياهـــل البل طويلين الشبور= ياهل الامداح واهل الشبور الطويلات ياهــــل البل ياهـــل البل وسيعين الصدور= يامرتعت العشاير ديارن خاليات ياهـــل البل واهـــلها من قديمات العصور= في الليالي المعسره والسنين المعسرات فالليالي المعسرة كم تمــــــــــلي من قدور= كم روي من درها من كبود شابرات جعل من ينوي تلفها ومـــــــــن فيها يبور= جعل تعمج به وفوقه على طول الحيات ما يعبر عن تواصــــــــــيفها كل الشعور=وصفها غالي وهي عند اهلها غاليات كنها لا بركت من مـــــــزخرفت القصور= وكنها لا ناحرت من شواهيق املحات وكنها لاحدورها مــــــع الديرة حـــــــدور= كن سفن البر والبحر جن متقاطرات وكنهن لا سندوهن سنود جـــــــــــبال قور=او جبال الهمالايا وجبال السرات وكنها لا عرضــــت من شواميخ الصخور= او نصوب من المناشي زفت مترادفات وان تحـــــــنت عند حيرانها خلف اوبكور= كن ونشات البواخر لها متشابهات وان حلــــــبها الحالب وجات رغوتها تفور= قل طفل مزن من الشمس فيه مراوقات وصفها تعــــــــــــجز لساني عنه فيما يدور= مير ابي في وصفها لي يكون مشاركات فابــــــــــشري بالبل بفخر يسجل له سطور= سجلوه سبيع لك والصحف له ناشرات الفخر لـــــــــــــسبيع مادام يطلع ضوح نور= هل ثلاث من قديم الزمان مسجلات واسمحوا للغـــــــامدي كان مني جاء قصور= الكمال لخالق الكون رب الكاينات

أدوات القصيدة

النسبة 0/5 (0 اجمالي )

• 1
• 2
• 3
• 4
• 5