يالله يامعبود زين التوافيق = يامكتفل بارزاق كل الخليقة يامرحبا ما أزهر نبات مواريق = ببدايت الوسمي تناشع وريقة برسالة تحمل بيوتن غواميق = وشعور قلبي للرسالة مفيقة يفتح لها وسط الضماير صناديق = ولإسرارها للباب نبهم غليقة خلتني ابدي في طويل الشلاهيق = وارفع علامها فالجبال الشهيقة جاني من مناحي بيوتن سبابيق = الشرح واضح والمصادر غميقة شاعر وله في الشعر فن وتساويق = بحر الهول غطى البواخر صفيقة وجه كتاب شنق الفكر تشنيق = خلى عروش القلب يسمع خفيقة وينشد ويبغى الوصف مني بتدقيق = ويبغاني أوقف على العد سيقة العد من دونه بحور غواريق = والأرض من كل النواحي شفيقة كم من كبود للمشارب مفاليق = مبطن ظمأها والشفايف لهيقة والشرح واضح ما يبي زود وتعليق = تحفظ صنوفه عن زهوف تعليقة من دون شعار النبط كشب وطويق = فيها النمور الفاتنات المهيقة من صيدها عاف الرماة التفافيق = وصيدن ورا لاطناف صعب لحيقة وعندي على الأسرار عهد ومواثيق = والسر أمانه والثقة ما يبيقة وجاني كلام شوق القلب تشويق = هز الضلوع الناحلات الرقيقة من شاعر له مع هل الطيب توثيق = كريم يمنى والمواقف مشيقة للحيل للضيفان عنده مشانيق = دايم على الجزلات كفه رشيقة وسبيع ربعه للمراجل عشاشيق = أهل السيوف الشابيات العتيقة حمايت التالين عند المواسيق = كسابت الامداح عند الوسيقة كم فارس يبغى الطمع عندهم عيق = تلوة بنحور السيوف الفتيقة والطيب له في جو الأبطال تحليق = ولسبيع في جوة يصير تحليقة الهرج ما يبغى زهوف أو تتاريق = كلف على بيض الصحايف فريقة

أدوات القصيدة

النسبة 0/5 (0 اجمالي )

• 1
• 2
• 3
• 4
• 5