هذه قصيده رداً على قصيده غزلية مرسلها ابورشيد لا تحضرني قصيدة ابورشيد ولكن هذا الرد جات الـرساله ويــالله ســمــح الــنـيــه= يبــغــى لــهــا رد مــاهــو بـالتلاعيبي رساله جت مــن مـبــارك غــرامــيــه = ردت عـلي بـعـاض مــن عـذاريــبــي يشكي عــلـيــه وكــل يـشـتـكـي زيـــه = ياكثر الاموات ياكــثــر الـمـصاويـبـي وليا لــفـتــني مــكــاتـيـب كــمــا ذيــه = ابديت لاصحابها زيــن الــهــنــاديـبـي باسلوم الاجواد مالي بــالـحــســاسـيـه = وبذلت من شــانـهــا كــل الاسـالـيـبـي هم ان تهيت بسلم الــطـيــب يــاحــيـه = لجل الصداقه وتـقــديــر الـمـنـاديـبــي ولا تركت القضيـــــه زي مــاهــيـــه = ماني مكلف براس غــلــيـس وكـلـيبي حيث ان دعاوي بعض الناس كيــــديه = لو كالن تقرأ وتذن فــي الــمـحــاريبي وانت الحـقـيـقـــه بــعــد سـويتـهـا فـيه = عدة مشاوير تـقـبـل بـي وتـــقــفـيـبـي جــريـتــنــي جــرتـيــن لــلــعــراديــه = معجبك نبت الخزاما في الاشــاعيــبي تخفي عــلــيــه ولــك غـايــات سـريـه = عز الله اني دريت ان لـك دبــاديــبــي واليوم بــيـنـتـهــا شـكــوى عــلانــيــه =وعــرفـتــهـا زين لاشــك ولاريــبــي صورتــهــا لــي فــي جـمــلـه بـلاغيه = وحطيتها بــيبــن صــدري والـتلاليبي تقول عندي تـجــاريـب خـصـوصيـــه = وبعد التجاريب يـاكثــر التــحــاسـيبي تجاريبي الاولــــه راحــت خــيــالـيــه = طلعت منــهــا مـصــفي وانت تدريبي لي خمسة اعـوام مــنـزوع الــصـاحيه = مرفوع مـمـنـوع لاودي ولااجـيــبـــي ومادام دعواك يامــبــارك حــقـيـقـيــه = اقول حاظر على مـن حــيــث ترميبي ولانــي بــلايـمـك فـي حــب السنافيـه = الجادل اللي تـجــرك بــالــكــلالــيـبـي من جور شــكــواك حـدتـنــي هـقاويه = خلتني ادوس عــنــشــات الـمــراقـيبي قمت اتهبلش مع المـرقــاب عصـريـه = اســابـق الليل كــن راعــي ذهــيــبــي اقلب اوراقي الــلــي فــي مــخــابـيــه = وراجع اوراقــــي الــلــي فـي دواليبي ابحث عــن الــحــل بـاسـلوم نـظامـيه = ماودي اشير بــاشــوارالــتـنــاشــيـبي فان كان توك بــعــد مـانـجـحت الكـيه = وتلب المقفي شــمـــات لــلــتــلايــبي وان كان تنوي لـمـلهــوف الحشا جيه = فالجيب جاهز ونــعــرف لــلـمـهاذيبي ناخذ ونعــطــي ونـكـتـب الاتــفــاقـيه = وكل المصاريف ســجـلهـا على جيبي ماغيرها حــل كــون الــحرب والهيه = وتولع النارمــن روس الــمـشـاهــيبي والبدو قشران واكــثــرهــم حــراميـه = يلاعوى ذيــب يـعــوي لـه ميت ذيبي والــيــوم حـنـا تـحـت حكم السعـوديه = ولى زمان الــمـحـدش والـمشـاعــيبي واقبل تحيات عـوضــه والـسـموحـيه = واختامها المسك والريـحان والطــيبي

أدوات القصيدة

النسبة 0/5 (0 اجمالي )

• 1
• 2
• 3
• 4
• 5