يابدر يابدر باكتب لك بعاض المواضــــــيع= ابغيك تحفظها سوات الدراســـــه ماعادبه يابوك مبداً على الريــــــــــع= ولالي ولا لك مدخلٍ بالسياســـــه ولا ابغي من الدنيا مشاري ولا بــــيع= شنيتها والله من اول عســـــاســه يدفعني من اول عليها دوافــــــــــــيع= وأخذت من كل المحيطات كأســه لقيت من عاشوا حسابٍ وتجمــــــــيع= اليوم منها يشتكون التعاســــــــــه فالمرجله ماهي بكثر الترامـــــــــــيع= ولا بحيلات الردى والغلاســــــــه غير الجمايل لاتسوي مـشاريـــــــــع= مع موقفٍ يرفع به الرجل راســه باقي ثلاثٍ منوة للطـــــــــــــــــماميع =واللي سواهن يالسنافي تناســـــــه دينك تحفظه يازبون المواديــــــــــــع= الثوب الأبيض مايدان الناســـــــــه الدين ساس المرجله والمرابيــــــــــع= ولا ينعمر بيتٍ يلا خرب ساســـه وعن والدينك لا تغرك الأسابيــــــــع= دور رضاهم لا يجيك انتكاســــــه وخلك مع ربعك رفيع المواقـــــــــيع= ترى المغابي مرتعٍ للغباســــــــــه لا جوك ربعٍ للسوالف مشاريـــــــــع= يشكون من وقتٍ جفاهم نعاســـــه من فتنة الدنيا وكثر التلاويــــــــــــع= الكل منهم ضايقٍ من لباســــــــــه ولأجنبي بالذات يحتاج تسنيــــــــــع= لا الديره بداره ولا الناس ناســـه ساعات معدوده ويبغى التناجيــــــــع= حاول تحطه في محل الرياســـــه رحب وسهل بالنظر والشعاشيـــــــع= وفل الحجاج ولا تجيك العباســـه شب الخشيب وولع النار توليــــــــع =يجذب سناها اللي يحب الوناسـه وانحر على جاله ثلاثٍ مفاريـــــــــع= والنجر دنه لين نوحي حساســــه نبغي نذوق انــتاج فن الأصا بــــــيع= والكيف ظني مايغرك قياســـــــه واحذر على المجلس كلام اللواتيــــع= اللي يلامنه صفا الجو حاســـــــه واللي هروجه كل ابوها مضاريــــع= في كل حرفٍ من كلامه نجاســه اجمل ترى الدنيا سوات الفقاقيـــــــــع= ولا كما زرعٍ سريعٍ يبـــــــــــاسه وااللي كتب لك مايجي له موانيـــــع= والله لو تفرض عليه الحراســــه

أدوات القصيدة

النسبة 0/5 (0 اجمالي )

• 1
• 2
• 3
• 4
• 5