|
اسم الله على الجمس محلى حس ماطوره= ماغير بشويش لاحنه ولاونـــــــــه
تقول شيخٍ يرتل في الحرم ســــــــــــورة =ويعلم الناس في الأدغام بالغنــــــه
وانواره الهاديه والوان ديكـــــــــــــــوره =عوديةٍ لونها في حمسة البنـــــــــــه
واللون الأسود عباية كتف محكــــــــوره= والكتف والردف ماتدري عن السنه
وان كان لونين بلوزه وتنــــــــــــــــوره =ياهوه ياهوه مدري عاد وش كنـــــه
وحروفه اللي معلقها علــــــــــــى زوره= ثلاثة حروف لا فضلٍ ولامنــــّـــــه
تقول سماعة في جيب دكتـــــــــــــــوره= خذت لها جولةٍ في قسم الأجنـــــــه
لفت ودارت على الاقسام مشكــــــــوره= ثم استدارت بردفٍ بيح الكنـــــــــه
من بعد ماشفت تشجيعه وجمهــــــــوره= مالوم ناسٍ على الجمسات منجنــــه
مايصلح الا مع باشات مشهــــــــــــوره =سوات بو عارف اللي كاملٍ فنــــــه
العالم اللي لهم في المستــــــــــوى دوره =وانا ومثلي يعوضنا الله الجنـــــــــه
الكل منا يعجعج فوق حنتــــــــــــــــوره= تقول معصار قاعٍ لا قطٍ شنــــــــــه
|
