وصلت اليه هذة القصيدة لاحدى شاعرات البادية (ريم الجنوب) تزوجت خارج بيئتها فتمثلت بهذه الأبيات الموثرة وجدي على شوف المطاليق وجداه =وجد الكسير اللي شكى قلة الحيل لا شفتهم يرتاح قلبي من اقصـــــاه= شوف النشاما غايتي والمشـــــاكيل وجدي على شوف الدلال المراكاه= مخلوط فيها زعفــــــــــرانٍ مع هيل بدوا بها اللي تكسب الطيب يمنـاه =عدوه قبل تدور كل الفنــــــــــــاجيل وجدي على ذيك الرجوم المعــلاه= اللي بعاليها نجر المــــــــــــــواويل هذي طراة الروح واللي تمنـــــاه =تكفي عن الدنيا وكل المحــــــاصيل وجدي على شوف المطرلنتثرماه =تروى به كبودٍ ظميٍ معـــــــــــاليل وجود من صوب وخلي بمضمـاه= ولا السجين اللي عليه المقـــــــافيل ----------------------------------------------------------------------------------- فجاريتها بهذه الأبيات سمعت صوتٍ حدني للمجـــــاراه ==جريت مواله وعرضنــــي الليـل ياطول وناته وياجور شكــــــــواه= تمسي غرابيلٍ وتصبح غـــرابيل من واحدٍ حده زمانه وعنــــــــــاه= كنه على مثلي يود المراسيـــــــل وانا حصاتي ذا الليالي محنــــاه =كلٍ على دربي يشل الدرابيــــــــل يا(000) يكفي القلب ماجـــــــــاه= ترى الجروح المبطية كنها قبــيل عشنا الليالي الأ وله في معـــــاناه =نحسب عوضها في الليال المقابيل لكن راحت روحت امقيط وارشاه= ماعاد تنفع دقت الزور والويـــــل ماكل ماتطمح له النفس تلقــــــــاه= ولاكل ماخيل مخيلٍ يجي سيـــــل صرنا نعيش بواقعٍ مارضينـــــاه= واللي نبيه ابعد من الجدي وسهيل

أدوات القصيدة

النسبة 0/5 (0 اجمالي )

• 1
• 2
• 3
• 4
• 5