|
ادخل على الله من ذا الحظ وازعـاجه=امرها ماقدرت اقف واهرجـــــــها
من بيني وبينها الأقدار وهــــــــــاجه= تجيني السالفه بالعرض وادرجــها
ان قلت ماحبها فالحب للصـــــــــاجه =لا بالله شلع كبدي تغنــــــــــــــجها
كني يتيمٍ يخج القلب بانهـــــــــــــاجه= عيا من النوم والعيشة تسامجــــــها
يامحرجٍ قلب عوضه وقف احــراجه =لاتحرج اللي قلوب الناس محرجها
اقوم واطيح واعصـــــــــابك بتلاجـه =واعصابي الله يهولك في تشنجــها
لعبتبي لعب ورعٍ فـــــــــوق دراجـه= ماعينت خير من ساعة تولجــــــها
يقفي ويقبل عليها ماقضى حـــــاجه= غاوي وملقوف والجيران مزعجها
جرحٍ جرحته لزوم تقوم باعــــلاجه= لاتسبب جروح ماتقدر تعالجــــــها
فان كات مايحتمل ميعاد ومــــواجه= فجروحك الباقيه حاول تبنجـــــــها
وانا دريت ان دروب الحب منعاجه= حلاوة التمر والحلتيت مازجــــــها
|
