قصيدة الشاعر/ أبو بدر النـــص الهرجه الهافيه لاجات منهــــــــــده= =مالي على منطق الهافين سلطــــاني مانقدر نمشي العــــالم على القــــده= =لكن نحاول عليها قدرالامكـــــــاني لقيت للهافيه مصــادرٍعــــــــــــــده= =اربع مصادر بليا سرج واعنـــــــاني ثلاثٍ احلها باللين والشــــــــــــــــده= =والرابعه حلها لازال يخفــــــــــــاني ان ريتها جايتٍ من جاهلٍ قـــــــــــده= =اعلمه بالدليل بلطف واحســــــــــاني يمكن تفيده مع الأيام وتعـــــــــــــده= =يكبر ويفهم ويأخذ منهجٍ ثـــــــــــاني وان شفتها جايتٍ من بارد الخـــــده= =حطيتها بين الارض وبين حذيـــــاني مادام طبعه ويمكن ورث من جـــــده= =اسلوب معروف ماقاله على شـــــاني وان ريتها جايتٍ للضد من ضــــــــده= =قمت اتراكا على زندي وصــــــواني واردله هجمةٍ فالحال مرتـــــــــــــده= =احطها في الصميم وصحة الســــــاني اعلمه بعدها يوقف على حــــــــــــده= =من شان لا شافني ماعاد ينســـــــاني مير البلا اللي تجي فالباب وتســـــده= =لاجتني الهافيه من بعض صدقـــــاني اللي من اول على يمناي واعـــــــــده= =واحشم مقامه عن القاصين والــــداني لا اقول ماوحيتها واحاول الصــــــــده= =سمعوا بها الجالسين اللي على اوزاني لا ونها مغير مره قلت لابــــــــــــــده = =ماغير زلة لسان وكبوة حصــــــــاني لكنها طاولتني واصبحت غــــــــــــدة= =اذلها لعن بوها إطّق شريــــــــــــــاني وش حلها ياوجيه الخير من مـــــــــده= =وانا اتعشم على توجيها لأخـــــــــــواني اللي معه حيلةٍ يحتال من جـــــــــــــــده= =شوفوا لها حل ياذربين الأيمـــــــــــاني وين انت ياللي تودي العلم وتــــــــــــرده= =المشكله عانها باسمي وعنـــــــــــــواني قصيدة الشاعرة / أم عبدالله وقد ردت بقافية مختلفة النـــص الله من قلب يشاذي فوح دلـــــــــه= =فوحها يزداد من كثر الشبوبـــــــي كن قلبي في الحبال الي تتلـــــــــــه= =تلته بين السواني والغروبــــــــــــي ما حلا مبدأ الجبال المستقلــــــــــــه= =راس رجم والهواء يومي بثوبـــــــي راس رجم نايف هايف بظلـــــــــــــه= =بادين بين شرقه والغروبـــــــــــــــي يستوي للي جروحه مستعلـــــــــــــــه= =لا تعالجها الأُبر ولا الحبوبـــــــــــــــي ويستوي للي يبي صوته يشلــــــــــــه= =يظهر الي في خفى القلب محجوبــــي وش بعد لو أن عوضة سامع لــــــــه= =كان قلبه من صدى صوته يذوبـــــــــي جاني المرسول وأنا مشفي لــــــــــــه= =فزّ له قلبي وأنا قلبي رحوبـــــــــــــــي مرحبا عد الرفايـــــــــا المستهلـــــــــة= =لا أستهلت من غزيرات النصوبــــــــي يشتكي عوضة وأنا الي شاكين لـــــــه= =وأدري أن تعوبه أشكل من تعوبـــــــي والله يا بو بدر ما أرضى لك تخلـــــــه= =وأنا أعدك من الربع محسوبـــــــــــي جاه وألا شور وألا في محلـــــــــــــــه= =وأن تكلم عن بني عمه ينوبــــــــــــي مير أنا آسف ما فهمت الشرح كلـــــه= =ما قدرت أطلع أيدي من جيوبـــــــــي رمز يخفاني ولاني فاطنن لـــــــــــــه= =و أتعيا وين تومي بي هبوبــــــــــــي ما عرفت اللغز حتى أجيب حلـــــــــه= =و أتخوف يقع معنى العلم صوبـــــــي حنا ما معنا على الافوام جلــــــــــــــة= =كم نحاول مير بذتنا الدروبــــــــــــــي والجماعة كل قلب فيه علـــــــــــــــــة= =لو يطول البحث يا كثرالعيوبــــــــــي لا تغارب كل شيء يحتملـــــــــــــــــه= =ما بقى إلا الشمس تطلع من الغروبي ما سمعتوا ويش يقرأ في المجلــــــة= =ورع ولد بورع والتيس محلوبــــــي كل مخلوق يسجل في سجلـــــــــــــه= =وعن ذنوب الناس تكفيني ذنوبــــي

أدوات القصيدة

النسبة 0/5 (0 اجمالي )

• 1
• 2
• 3
• 4
• 5