خلوني أعدي على راس شلهوق= هذا هــوى قلبي وهذا مراده أبدي على الشلهوق حتّاني أفوق= فاقـــــة سجين مطلقين قياده عندي ولا حتى حليب من النـــــــوق =لو كان صافي الشهد فوقه زياده أشوف نبت العشب من كل زملـوق = متناشعا صفر الزهر مع سواده هذا هواي ونية القلب والذوق = ومرافقه جـو يذعذع براده ويا ليتني بآخذ على الجيب طاروق = ويا ليت عندي للســواقة شهاده يا ليت من سلمني الجيب وأسوق = لكــــن غيري ما عطوهن قياده مع وادي ما فيه مركز ولا سوق = ولا حـدن يفرض علي انتقاده خله كما سيل تجّـــــذب من عنوق = سيله غزير وضايق به حشاده يشذي شيهان مع الجـــو من فوق = لا صافق الجنحان ناوي بصاده تبري هجوس دونها الباب مغلوق = ما هــوب يعرفها طبيب العياده أذلها تلحـــق على كــل معلـــــوق = أموت وألا أبقى طريح الوساده في رحمة الي رازق كل مخلــــوق = يشكي عليه المشتكي من عباده

أدوات القصيدة

النسبة 0/5 (0 اجمالي )

• 1
• 2
• 3
• 4
• 5