يا بوعلي خليت من شعري أبيات = و بعاضــي الهقـوات خليت منها أقول بسافــر قـــطر والأمارات =والمملـكة من شامها لا يمنها عودت في التفكير وعــــلومي أفوات = هو الأرض شدّت وألا أنا تهت عنها راح الرفيق الي معي فيه هقوات= لا قـــــال يعـقلها وجــود رسنــها كنت اعتزي به في بعض المهمات =لا من غيــــره ماج عنهـا احـتضنها ما هوب من تصعب عليه المسافات = لا أقبل علـى راس الشفاء ماج عنها يشوم للعليا وعنده طموحـات = كل المراجـل والرجولة ضمنها لا والله راح راعي الجمــالات =مطلق لسـان الي تماري بأهلها عز الله أنه من كبار الخسارات = خســـــــــارة ً ما ينتعـوض ثمنهـا ما عاد ينفعنا البكاء والتنهات = وألا الدمـــوع الي تغطي وجنها ما فات فات ولا رجع كل من فات = مير القلـــــــــوب الله يهون حزنها يا ما فقدنا من قصور منيفات = من حدته قشر الليالــــي زبنها اليوم ما نعرف عليها علامات = راحت وغطاها العجاج ودفنها ما عاد غير الي كتب في السجلات = وألا العظام الهامـــــــــــدة في كفنها عسى مساكنهم رياضاً وجنات = برحمة الله والرضـــا في سكنها

أدوات القصيدة

النسبة 0/5 (0 اجمالي )

• 1
• 2
• 3
• 4
• 5