لقصيدة للشاعر /سعيد الشبيلي الدعجاني موجهة للشاعر/ عوضه بن علي الغامدي ايام تعداد السكان وكان حينها مراقب شمولية كتبٍ لقيته على البيبان وش جابه ==من واحدٍ مهنة العالم مجـــــــربها ابو بدر للبوادي ينقل كتـــــــــابه ==لوراق في عالي البيبــــــان يكتبها البيت لا ثبت اللصــقه على بـابه ==من خوفه من الهبايب لا تطيـر بها كم بيت بدو يزوره ويتقصـــوابه== الأسره كتب كل حاضرها وغايبها كتاب الأعدادمدري ويش يبغـابه== يمشي معه ناس مازادت رواتبــها يازين ركبه على جيبه وهنــدابه ==الياعطــــــــا بدحةٍ الاخرى يقربها يختار من زين عرفه يوم غنـابه== لاهو بيطلب ولا ناسٍ يطـــــــالبها اما لقى رزق يوم ان الله انـــوابه ==ولا لقى غلمةٍ تضحك شــــواربها وبنٍ وهيلٍ يداوي كبد شــــــرابه== مع نشاماً تنومس من يصــــاحبها والهم ملموم للي نوخ ركـــــــابه== عن كثرة الهم يمشي في منــاكبها ابو بدر من رجال وحيــــكم لابه ==من لابةٍ تتبع غامد مذاهبـــــــــها يومن ذود الجلاوي هـزع ارقابه== يوم النموره مطرفةٍ مخـــــالبـها حطوا لهم مذهبٍ ماحدٍ تهقـــوابه== يوم الحرايب مولعةٍ شبــــــايبـها واليوم كلٍ يسير ويسحب ثيـــــابه== من راح في ديرةٍ لزمٍ يعيش بـها في هيبة ملــــــوكنا اللي لهم هابه ==سيوفنا اللي وريعاتٍ مضاربـها هذا كلام الشبيلي يوم غنــــــــابه ==لامن بغا المعرفه يحمى جوانبها الردود على الشبيلي يامرحبا بالكتاب وحي كتــــــــــابه== ترحيبةٍ ترفع القاله وتنصــــــبها من شاعرٍ لاتهيض وانفتح مـــــابه ==جتك المعاني مصفاتٍ مشــاربها من لابةٍ في اللقا ماهم بهيـــــــــابه== قوم الدعاجين شاعرها ونايـــبها منا وفينا وكلٍ يعرف انســــــــــابه ==والناس بافعالها تعرف مناصـبها ان كان لعتابةٍ نعمين بعتــــــــــابه ==وان كان غامد فمن يقدر يعذربها سعيد شاف الرقوم ونالت عجـــابه ==وعدا يغني بطاروقٍ يناســـــــبها وانا شفيٍ على نهجه ومرقـــــــابه ==والعين تطرب يلا شافت حبايـبها وقدامه سويد ناوشني بليعــــــــابه ==قدام عشر اسنواتٍ كنت حاسبــها وهذا عملنا يلا منا بدينـــــــا به ==من طيب الأسواق ماحارت جلايبها مشروع الاعداد لامنا عنينـــــــابه ==المهنه اللي تشرفنا بواجبـــــــــها امانةٍ عندنا مانا بلعــــــــــــــــــابه ==وا لأرض لله نمشي في مناكبــــها وكل بيتٍ نجيه نقــــــــــــدر ادابه== ونقدر القوم في تقدير شايــــــبها ونعده بحضرته لو كان بغيــــــابه== واسرار الأجواد والله مانبوح بها وان جاني امثال من عراف جذابه== ابني عليها وادعبها والاعـــــبها واقولها والشبيلي تضحك اشنـــابه ==سميتها باسم وضحاواعتزيت بها

أدوات القصيدة

النسبة 0/5 (0 اجمالي )

• 1
• 2
• 3
• 4
• 5