سلام ياهل الوفا سلام باسم الصفا =تسليمة مشــــــــــرقه ما يختفــــــــــي نورها يا حزام جنبي هل الشيمات واهل الوفا =يا لابة فاللوازم ما اختلف شـــــــــــــــــورها قيف ال حله يا نعم القيف واسمه كفا =مواقفه بالشدايد تبهـــــــــــــــــــــــر حضورها قبيلة صيتها على العشاير زفا =ومع جميع القــــــــــــــــــــــبايل وافي دورها من يلجي بجالنا ما نعرّضه بالقفا =وقفاتنا تشهد العالـــــــــم بمقــــــــــــــدورها دخيلنا يوم حس الضيم وإلنا لفا =لقي حرار تنومـــــــس هــــــــــدّة صقورها ساعة سمعنا المنادي له بدينا الشفا =والقافله شدّها باقي على ضهـــــــــورها قلنا تعوّد لمرباها بكل احتفا =والحق نعطيه طلابته فــــــــــــــي دورها وجينا براي سديد وراينا ما هفا =وعفر البوازل يدل الدرب مضهـــــــــورها واستبشرت بالسهول المخضره والدفا =وارتاحة من الدروب العوج وعســورها تقدير للي زبنا فعلنا ما خفا =عنه احتملنا حقوق القوم وخطــــــــورها مهما يكلف علينا الامر ما كلفا =ناقف بوجه اخصماه وننطــــــح انحورها دخيلنا نمّنه من كل ظيم وجفا =في ظل هيبة رجال شــــــــــــامخ صورها ومبدا الدخل باسمنا غصب على من نفا =سنه وشهــــــــــــــــــرين وايام بمنضورها وقفه بها يشهد التاريخ وبها انصفا =وبيض الصحايف تخلدها على سطورها وحنا مع اهل الشهامه والجميل احلفا =وإلا ضعاف الـــــــــروابع نقّصر شبورها وسلام باسم الصفا سلام ياهل الوفا =تسليمة ساطـــــعه ما يختفــــــــي نورها

أدوات القصيدة

النسبة 0/5 (0 اجمالي )

• 1
• 2
• 3
• 4
• 5