في عالم النسيان ما عشـت نسيـان=فالذاكـره حبـك مبرمـج ومصيـون لك في مدار الفكر مرسى ولك شـان=محفوظ حبك عـن اذاعـة يقولـون ****** اسرجت لك خيل المشاعـر والاوزان=والشعر ياتي فـي معاليـك مـوزون في غيبتك يخفق لـك القلـب ولهـان=وفي حضرتك يعزف لك اوتار والحون ****** وفي مشيتك تفتح لك الـروح بيبـان=وفي وقفتك ينتاب معشوقـك اجنـون وفي جلستك تسجد لك ارموش الاعيان=وفي نظرتك يغار مـن نونـك النـون ******* وفي بسمتك يرقص لك القلب طربـان=ويبني لك بروح الغلا ابراج وحصون اعطاك ربي من الحلا اعـذب الحـان=ووهبك زين فاق عـن كـل مزيـون ******* انتي كذا في ناظـري اجمـل انسـان=واغلا بشر خلقه ربـي بـذا الكـون قلبي تولّـع فيـك والحـب سلطـان=سيفه على قلوب المحبيـن مسنـون ******* جمعت زهر الحب مـن كـل بستـان=واهديتك اسمى حب في كـل قانـون لكـن قابلـتـي وفـايـه بنـكـران=واصبحت في حبك مقيّـد ومسجـون ******* وش لون اقاسيهـا محبـه وحرمـان=واعيش باسبابك مدى العمر مفتـون عدة سنيـن عشتهـا بغيـر عنـوان=الا بعذابك يا اعذب النـاس مرهـون ******** وجرحك بقلبي قد له اسنين مـا بـان=في مهجتي ما بين الاضـلاع مكنـون واليوم بان وصـار باشكـال والـوان=حب وغرام وشوق وجروح وشجـون ********

أدوات القصيدة

النسبة 0/5 (0 اجمالي )

• 1
• 2
• 3
• 4
• 5