قال الشاعر الكويتي الكبير طلال السعيد هذه القصيده يمدح فيها الرئيس /جرج بوش *** باسم الكويت وشعبها وين ما كان = شعب الاصاله والكرامه شعبنا يامرحبا يا بوش من قلب والسان = طيبك ومعروفك لشخصك جنبنا يا بوش احيي فيك قايد وفهمان = شجاعة الموقف وطيبك عجبنا يحق للديره تضمك بالاحضان = وردتنا صافي القراح وشربنا من مجلس الامه الى قصر دسمان = تسمع صدى الترحيب من كل مبنا تقدير لاقبالك وشكرا وعرفان = قائد عظيم بجانب اسمك كتبنا في صفحة التاريخ مكتوب عنوان = والله يالولا بوش حنا ذهبنا عاداتنا يابوش من عبر الازمان = رد الجمايل والله اللي وهبنا انجازي الاحسان حنا بالاحسان = بالطيب والمعروف ما احد غلبنا يا بوش ما اسمك بوش اسمك كحيلان = البوش والله والتخال عربنا وتحقق التحرير في عزم وايمان = بقيادتك يا بوش خلص نشبنا وكان لي الرد عليه بهذه القصيدة لتوضيح الحقيقة فقط يا ناكر المعروف مخطي وغلطان = لو كان منك الشكر ما قد طلبنا لكن مدحك للخواجه بالاوزان = بين حقيقة موقفك من عربنا وش لون تنسى فعلنا يا ابن عثمان = وحنا لكم وقت اللزوم استجبنا مدحك لبوش البسك خيبه وخسران = وبيّن لنا فيكم مذله وجبنا يا بوش تبقى بوش ما انت بكحيلان = ونسبك والله ما يماثل نسبنا حنا العرب ساس العرب نسل عدنان = وهذي مواقفنا وهذا حسبنا وحنا هل المعروف في كل الازمان = وحنا هل الفزعه لمن هو ندبنا وقفاتنا تعرف على كل ميدان = ومن دارنا وقت الشقا ما هربنا نصمد بوجه المعتدي سر وعلان = وليا دعتنا المعركه له وثبنا ما ننهزم لو شبت الحرب نيران = كم من عدو نقذفه في لهبنا وحنا ليا صارت عجاجه ودخان = ننطح طوابير العدى ما انسحبنا والشاعر اللي دبّج المدح لفلان = وش حالته لو عن معاديه غبنا كان انتهى تقول فالارض ما كان =ولا عاد يجلس في مجالس شببنا وطبع اللئيم يبدل الطيب نكران = وعندك خبر من خصمكم ما ارتهبنا ولولا الولي ثم الفهد طير حوران = تبقى مشرد ما يذريك مبنا وتعيش باق العمر وتموت منهان = وبالفعل غبنك ما يشاذيه غبنا وإلا تصير اسير في حكم سجان = وبيوتكم ماعاد فالارض تبنا لكن فهد ردك الى قصر دسمان = وهذي حقيقه واضحه ما كذبنا فهد فهدنا عزنا عالي الشان = العاهل اللي للمعالي جذبنا فهد وقف له موقف صار عنوان = ويبقى مخلّد في صحايف ادبنا تتوارثه لجيال شيب وشبان = بإنّا غلبنا خصمنا ما انغلبنا

أدوات القصيدة

النسبة 0/5 (0 اجمالي )

• 1
• 2
• 3
• 4
• 5